miércoles, 11 de diciembre de 2013

Quen a segue...

En realidade, estaba pensando en adicar este post ao tema por antonomasia nestas semanas e poñervos algúns dos adornos de Nadal que preparamos para o cole con materiais reciclados, pero prefiro facelo só se mo pedides, así interactuades un pouco máis no blog...

Mentres tanto, explicar o por que do título do post, que tamén se podería chamar "Nunca deixes de soñar" ou máis ben de traballar porque nunca sabes cando vai dar froitos ese traballo e o máis normal é que os acabe dando e que ricos están!!!

Despois dun tempo traballando a imitación Sabela empezou nestes días a imitar de xeito espontáneo algún dos xestos cos que acompañamos cancións ou cos que nós imitamos xogando a algún animal.

Así que vos mandamos ánimo a tod@s @s que o necesitedes par seguir traballando e un bico coa man, un bico de elefante, outro de león, de hipopótamo e un de xirafa que son os máis altos dos bicos neste mundo.